Ана холос. "Барса" асосий футболчиларидан бирини сотмоқчи

"Барселона" клуби раҳбарияти жамоанинг асосий таркиб ўйинчиларидан бирини сотиши мумкин.

Cadena SER нашри тарқатган хабарга қараганда, Каталония клуби америкалик ҳимоячи Сержиньо Дестнинг трансфери бўйича таклифларни кўриб чиқади. “Барселона” уни яхшироқ маблағ эвазига сотиб юбориши мумкин.

Манбага кўра, футболчининг ўзи ҳозирда "Барса"ни тарк этиш ниятида эмас ва Хавига ўзини кўрсатишни режалаштирмоқда.

Дест жорий мавсум Ла Лигада 12 та ўйин ўтказиб, 3 та голга ассистентлик қилди.