Ана холос! "Барселона" Гризманни сотиб олиш фикридан қайтди

Каталониянинг "Барселона" клуби ҳозирча "Атлетико" ҳужумчиси Антуан Гризманни сотиб олишни режалаштирмаяпти. Бу ҳақда Marca нашри хабар тарқатмоқда.

Юқоридаги манбаага кўра “кўк-анор ранглилар” президенти Жозеп Бартомеу 28 ёшли франциялик футболчининг трансферини жудаям хавфли деб ҳисоблагани боис бу борадаги ишларни вақтинча тўхтатиб туришга қарор қилган.

Унинг фикрича Гризманнинг келиши жамоадаги муҳитни бузиши мумкин. Боиси, аксарият футболчилар унинг сотиб олинишига қарши чиқмоқда.

Эслатиб ўтамиз, бундан аввалроқ 28 ёшли франциялик футболчи ёзда “матрасчилар” сафидан кетишини эълон қилган эди. Унга эса “Барселона”дан ташқари шунингдек ПСЖ ва “Манчестер Юнайтед” клублари ҳам кураш олиб боришмоқда.