Ana xolos! "Barselona" Rodrigo bo‘yicha muzokaralarni boshlashga tayyor

Madridning "Real" klubi vingeri Rodrigo raqib jamoa safida to‘p surishi mumkin. Braziliya nashri "UOL" tarqatgan xabarga ko‘ra, 24 yoshli futbolchi bilan "Barselona" jiddiy qiziqib qolgan.

Kataloniyaliklar Rodrigoning vaziyatini diqqat bilan kuzatmoqda va allaqachon uning vakillari bilan bog‘lanib, agar u jamoani tark etishga qaror qilsa, muzokaralar olib borishga tayyor ekanligini etkazishgan.

So‘nggi paytlarda Rodrigo "Real"ning asosiy tarkibida doimiy o‘rin topa olmayapti. U Klublar o‘rtasidagi Jahon chempionatida faqat "Al-Hilol"ga qarshi uchrashuvda asosiy tarkibda maydonga tushgan va ikki bor zaxiradan o‘yinga qo‘shilgan.

Ayni vaqtda uning kelajagi noaniq, ammo raqib klubdan qiziqish bo‘layotgani vaziyatga yangi rang berish ehtimolini oshirmoqda.