Ана холос! Чемпионатда пешқадамлик қилаётган "Макларен" пойгачилари дисквалификация қилинди

Халқаро автомобиль федерацияси (ФИА) Формула-1 Лас-Вегас Гран-приси якуни бўйича ностандарт текширув ўтказилганини маълум қилди, чунки пойга якунлари бўйича очколар зонасига тушган 10 та болиднинг ҳар бири остидаги сирпаниш планкалари ўрганилган.

Шу тариқа Макс Верстаппен ("Ред Булл"), Ландо Норрис ("Макларен"), Жорж Расселл ("Мерседес"), Оскар Пиастри ("Макларен"), Андреа Кими Антонелли ("Мерседес"), Шарль Леклер ("Феррари"), Карлос Сайнс ("Уилямс"), Исак Хажар ("Рейсинг Буллз"), Нико Хюлкенберг ("Кик-Заубер") ва Льюис Хемилтон ("Феррари") машиналари текширилди.

Текширув натижаларига кўра, "Макларен"нинг иккала пойгачисининг планкаси белгиланган 9 миллиметрдан юпқалиги аниқланган, иккала пойгачи дисквалификация қилинди.

Бунинг натижасида Лас-Вегас Гран-приси якуний натижалари қуйидагига ўзгарди.