Ана холос! Чемпионати якунланган мамлакат клублари еврокубокларга қўйилмайди

Коронавирус пандемияси сабаб муддатидан аввал якунланган чемпионат клублари келаси мавсум еврокубоклардан четлатилиши мумкин. УЕФА ушбу мазмундаги махсус хатни барча футбол федерация ва ассоциацияларга юборган.

Таъкидлаш керакки, кеча Бельгияда мавсум якунлангани ҳақида эълон қилинди. "Брюгге" клуби чемпион, деб топилди, 2-ўринни эса "Гент" эгаллади. Айнан ушбу жамоалар келгуси мавсум ЕЧЛда мамлакат шарафини ҳимоя қилади.

"Шарлеруа" ва "Антверпен" Европа лигаси гуруҳ босқичидан, "Стандарт" клуби эса саралаш босқичидан иштирокини бошлайди.

Агар УЕФА ушбу чемпионатга санкция қўлласа, уларнинг ҳеч бири халқаро мусобақаларда иштирок этолмаслиги мумкин.