Ана холос: Гвардиола ёзда “Манчестер Сити”дан кетиши кутиляпти
“Манчестер Сити” бош мураббийи Хосеп Гвардиола жорий мавсум якунлангач, клубдан кетиш имконини кўриб чиқмоқда. Бу ҳақда The Times нашри хабар тарқатди.
Нуфузли манба маълумотларига кўра, ҳозирча испаниялик мутахассиснинг келажаги бўйича якуний қарор қабул қилинмаган. Гвардиола ва унинг штаби клубга муносиб ворис топишда ёрдам беришга тайёр.
Эслатиб ўтамиз, 54 ёшли Гвардиола 2016 йилдан бери “шаҳарликлар”ни бошқариб келмоқда. Айнан испаниялик мутахассис ишлаётган йиллар клуб тарихидаги энг муваффақиятли давр ҳисобланади.
“Манчестер Сити”ни олти карра Англия чемпионига айлантирган Хосеп Гвардиоланинг клуб билан амалдаги шартномаси 2027 йилнинг ярмигача мўлжалланган.
Фикрлар