Ана холос! Ла Лигада Covid-19 билан боғлиқ яна бир ҳолат қайд этилди

Испаниянинг “Гранада” клуби ярим ҳимоячиси Янгель Эррерада коронавирус аниқланди. Бу ҳақда маҳаллий El Ideal de Granada нашри хабар бермоқда.

Ҳозирча Эррерада касаллик аломатлари сезилмаяпти. У жамоанинг қолган аъзоларидан дарҳол ажратилган ва доимий кузатувда бўлиб турибди.

Бу Ла Лига футболчилари орасида Covid-19 қайд этилган учинчи ҳолат бўлди. Бундан аввал, «Атлетико» ҳимоячиси Ренан Лоди ва «Реал Сосьедад» дарвозабони Алекс Ремиронинг коронавирусга қарши топширган тест натижалари мусбат чиққан эди.

Жорий ҳафтадан эътиборан, Ла Лига клубларига машғулотлар ўтказишга рухсат берилди. Чемпионат ўйинлари эса июнь ойида тикланиши режалаштирилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)