Ана холос: “Ливерпуль” Слотни бўшайтмайдиган бўлди

“Ливерпуль” бош мураббийи Арне Слот яқинлашиб келаётган ёзда ўз лавозимини тарк этмайди. Бу ҳақда The Independent хабар бермоқда.

Манбага кўра, мерсисайдликлар раҳбарияти мутахассис жорий мавсумда ўзига боғлиқ бўлмаган бир қатор омилларга дуч келганини тушунади.

Қатор футболчиларнинг жароҳатлари мураббийга таркибни тўлиқ бошқариш имконини бермади, шунингдек Диогу Жотанинг вафоти жамоага ҳам ўйин, ҳам руҳий жиҳатдан таъсир қилди.

Ҳозирги вақтда “Ливерпуль” Англия Премьер-лигаси жадвалида 49 очко билан бешинчи ўринда бормоқда. Шунингдек, жамоа Чемпионлар лигаси 1/4 финалида иштирок этади.