Ана холос!

"Манчестер Сити" клуби ярим ҳимоячиси Давид Силва АПЛнинг 12-го туридан ўрин олган "Ливерпул"га қарши муҳим беллашувни ўтказиб юбориши мумкин.

“Шаҳарликлар” бош мураббийи Хосеп Гвардиоланинг сўзларига кўра испаниялик футболчида мушаклари билан боғлиқ жароҳат пайдо бўлган ва у тахминан 10-12 кун майдонга тушолмаслиги мумкин.

Эслатиб ўтамиз, "Ливерпуль" - "Манчестер Сити" учрашуви 10 ноябрь куни Тошкент вақти билан соат 21:30 да бошланади.

Маълумот учун, Давид Силва жорий мавсум “Манчестер Сити” сафида 14 та ўйинда майдонга тушди ва ўз ҳисобига 3 та гол ҳамда 5 та голли узатма ёздириб қўйишга эришди.