Ана холос! "Наполи" Осимхенни мавсум қайдномасидан чиқариб юборди

Бир неча кундан буён нигериялик футболчи Виктор Осимхен атрофидаги воқеалар кўпчиликнинг диққат-марказида бўлиб турибди. Трансферлар ойнасининг сўнги кунига қадар ҳам бир қатор топ клубларнинг нишонида бўлиб келган футболчи қандайдир сабаблар билан яна Неаполь суперклубида қоладиган бўлди.

Бироқ, бу вазият аслида ҳеч кимга маъқул келаётгани йўқ. Клуб уни шу ёзда каттароқ сумма евазига сотиб юбормоқчи эди. Аммо Осимхенга билдирилган таклифларнинг кўпи фақат оғзаки кўринишда қолиб кетди. Фақатгина "Челси" уни ўз таркибида кўриш учун жиддий бел боғлаганди. Бироқ, воқеалар ривожи тамомила ўзгариб кетди. Якунда эса, нигериялик форвард "Наполи"да қолди.

Бундан бир неча соатлар илгари кутилмаган воқеа рўй берди. Аниқроғи, Виктор Осимхен "Наполи"нинг А сериянинг янги мавсуми учун қайдномасига киритилмади. Бундан ташқари, у ўтган мавсумларда харакат қилган 9 рақам неаполликларнинг янги футболчиси Ромелу Лукакуга бериб юборилди.

Эндиликда футболчининг олдида фақатгина Саудия Арабистони чемпионати ўтиш варианти қолмоқда. Ҳозирда бу ерда трансферлар ойнаси очиқ. Бироқ, муддат ўз қолмоқда. Яъни дедлайн эса, душанба кунига белгиланган.