Ана холос! "Реал" икки юлдуз учун 300 миллион евро сарфлаб, трансфер бозорини портлатмоқчи

"Реал" Мадрид раҳбарлари ёзда икки супер трансфер амалга оширмоқчи. Бу ҳақда "The Telegraph" нашри хабар берди.

Манба берган хабарга кўра, "қироллик клуби" келаси мавсумда жамоани жиддий кучайтирмоқчи. "Қаймоқранглилар" ПСЖ ҳужумчиси Килиан Мбаппе ва Дортмунднинг "Боруссия" клуби ярим ҳимоячиси Жуд Беллингемни ўз сафига қўшиб олмоқчи. Мадридликлар бу икки футболчи атрофида  жамоа қурмоқчи.

Килианнинг трансфер нархи 180 миллион евро. Унинг парижликлар билан шартномаси 2025 йилнинг ўрталарига қадар мўлжалланган.

Беллингем 120 миллион еврога баҳоланган. Унинг "Боруссия" билан шартномаси 2025 йилнинг ёзига қадар тузилган.