Анчелотти: "Биз ғалабага лойиқ эдик" (Тўлиқ матбуот анжумани)

“Реал Мадрид” бош мураббийи Карло Анчелотти “Валенсия”га қарши ўйиндан сўнг жамоаси ҳаракатларини баҳолади. Унинг таъкидлашича, “қироллик клуби” ғалаба учун етарли имконият яратган, аммо натижа кутилганидек бўлмади.

— “Валенсия” яхши ўйин намоён этди, лекин ғалабани бизга бериш керак эди. Биз ҳужумда анча фаол бўлдик, кўплаб имкониятлар яратдик. Фақатгина ҳимояда яхшироқ ўйнашимиз лозим эди..

Тажрибали мутахассис навбатдаги ўйин, яъни “Арсенал”га қарши учрашувда мутлақо бошқача ўйин кутилмоқда деб ҳисоблайди:

— “Арсенал” янада ҳужумкор ўйин кўрсатади. Биз уларга қарши бошқача ёндашув билан майдонга тушамиз.

Анчелотти жамоадаги пенальти муаммосига ҳам тўхталиб ўтди:

— Жорий мавсум пенальтиларда омадимиз келмаяпти. Винисиус, Беллингем ва Мбаппе пенальтидан фойдаланишда қийинчиликка дуч келишмоқда.

Шунингдек, у дарвозабонлар ҳолати борасида ҳам янгиликлар билан ўртоқлашди:

— Куртуа бугун ўзини яхши ҳис қилмоқда ва машғулотда қатнашди. Эртага у жамоа билан бўлади. Шунинг учун Лунинни таваккал қилиб туширмадик. Сешанба куни иккисини ҳам сафда кўраман деб ўйлайман.

Мураббий жамоанинг баъзи жиҳатларида камчилик бўлганини ҳам тан олди:

— Балки биз тўпни қайта эгаллашда самарали бўлмаганмиз. Ростини айтсам, рақиблар гол уриш учун унча куч сарфлагани йўқ.

Анчелотти Винисиус Жуниорнинг кайфияти ҳақида ҳам фикр билдирди:

— Вини хафами? Йўқ, бу унга таъсир қилмайди. У доим фақат ишига эътибор қаратади. У яхши ҳам, ёмон ҳам ўйнаши мумкин, лекин ҳар доим 100 фоизини беради.

Охирида у Килиан Мбаппе жамоанинг асосий пенальтичига айланиши мумкинлигини ҳам инкор этмади:

— Мбаппе доимий пенальти амалга оширувчи бўладими? Кўрамиз" - дея таъриф бериб ўтди испаниялик мутахассис.