Анчелотти фаолиятини қачон ва қаерда якунлашини аниқ айтди

“Реал”ни яна чемпионлик шоҳсупасига кўтарган Карло Анчелотти фаолиятини якунлаш бўйича аниқ режаси борлигини билдирди.

Madrid Xtra нашрининг ёзишича, “Реал” италиялик мутахассиснинг охирги жамоаси бўлади.

“Реал” билан шартномаси якунланганидан кейин 64 ёшли мутахассис мураббийлик фаолиятига нуқта қўяди. Келажакда у бирор клуб ёки терма жамоани бошқармоқчи эмас.

“Қироллик клуби” яқинда Карло Анчелотти билан шартномани 2026 йилнинг ярмигача узайтирган эди. Шу муддат якунланиши билан тажрибали мураббий пенсияга чиқишни истамоқда.

Карло Анчелотти кучли бешлик чемпионатларининг барчасида муваффақиятли ишлаб, нуфузли совринларни қўлга киритган кам сонли мураббийлардан ҳисобланади.