Анчелотти кетиши олдидан “Реал”га тўртта зўр ўйинчи топиб берди

“Реал” клуби раҳбарияти жамоа бош мураббийи Карло Анчелотти хизматидан воз кечишга яқин турибди. Шунга қарамай, клуб мутасаддилари тажрибали мутахассисдан ёзги трансферлар даврида қайси футболчиларни олиш лозимлиги ҳақида фикр сўради.

Sport.es  сайтининг ёзишича, италиялик мутахассис клуб мутасаддиларига ҳимоя ва ярим ҳимоя позицияларини кучайтириш шартлигини таъкидлаган.

Анчелотти “Реал” услубига Англия Премьер-лигаси вакиллари мос келишини айтиб, Вильям Салиба (“Арсенал”), Мануэль Аканжи (“Манчестер Сити”), Алексис МакАллистера (“Ливерпуль”) ва Сандро Тонали (“Ньюкасл”) каби ҳимоячи ва ярим ҳимоячиларга эътибор қаратишни маслаҳат берган.

Манбанинг маълум қилишича, “Қироллик клуби”да янги ўйинчиларни харид қилиш масаласини бош мураббий эмас, балки клуб президенти Флорентино Перес, бош директор Хосе Анхель Санчес ва бош селекционер Юни Калафат ҳал қилади.