Анчелотти Мбаппега оғир шарт қўйди

“Реал” бош мураббийи Карло Анчелотти жамоанинг янги аъзоси Килиан Мбаппенинг ўз вазифаси борлигини маълум қилди.

- Мен Мбаппедан нимани талаб қиламан? Кўпроқ гол уришини, албатта. Менга унинг прессингларда қатнашиши эмас, рақиб дарвозасини ишғол қилиши муҳим.

Кейинги йилларда марказий ҳужумчи бўйича қарашларимиз ўзгаргани йўқ. Мен Мбаппедан Карим Бензема олдига қўйилган талабни қўяман. Яъни у қулай позицияга чиқиши, тезкор ҳаракат қилиши, тўпни эгаллаб олиб, гол уришга тайёр туриши шарт, - деди италиялик мутахассис.

25 ёшли франциялик футболчи “Қироллик клуби”га ёзда эркин агент сифатида кўчиб ўтди. Ҳозирга қадар Мбаппе барча турнирларда 12 маротаба майдонга тушиб, саккизта гол ва битта ассист муаллифи бўлди.