Анчелотти Модричнинг шартномаси ва бошқа футболчиларининг ҳолати ҳақида гапирди

Хабарингиз бор, “Реал Мадрид” Испания кубогининг ярим финал босқичида “Реал Сосьедад” билан куч синашади. “Қироллик клуби” бош мураббийи Карло Анчелотти ушбу беллашувдан аввал матбуот анжуманида иштирок этди. Италиялик мутахассис кўплаб футболчиларининг ҳолати, Модричнинг шартномаси ва Тебас ҳақида ўз фикрлари билан ўртоқлашди.

Арда Гюлернинг захирада қолишини қандай изоҳлайсиз?

“Арда ҳали ёш, унга дунёнинг энг яхши жамоасига қўшилиб кетиш учун вақт керак. Бу вазиятни ҳамма тушунади, буни тушунмаганлар ҳам тушуниши зарур. Бундан бошқа ҳеч қандай муаммо йўқ.

Хавьер Тебаснинг сизларга бўлган фикрига қандай қарайсиз?

Тебас биз ҳақимизда жуда кўп гапиради. У Мадридни норозилар клуби деб атади ва миллионлаб мадридликларга ҳурматсизлик кўрсатди. Албатта, у Ла Лига президенти ва испан футболида биздан ташқари, эътибор бериши керак бўлган жиддийроқ муаммолар бор.

Негрейранинг ҳозирги вазияти қандай?

Кўряпманки, жараён ҳали ҳамон давом этмоқда, барча одамлар қарорни кутмоқда. Футбол сабрли бўлиши лозим. Охир-оқибат, суд қарори аниқ бўлади ва суд ҳукми ўқилади.

Асенсионинг техник камчиликларини тўғриладим дедингиз, шу ҳақида нималар дейсиз?

Асенсиода техник камчиликлар бор, дедимми? Қачон? Мен ҳеч қачон бундай демадим. Раульда техник камчиликлар бор десам янглишган бўламан. Испаниялик ҳимоячи жуда яхши ўйнамоқда. Шуни ҳам таъкидлашим керак, Рауль ҳаммани ажаблантириб бўлди. Шу билан бирга, мени ҳам.

Биз Асенсио билан унинг ўйинининг техник томондан ишламадик, биз тактик томондан ишладик холос. Баъзида тажовузкор ўйин услубимизга жуда мос келавермайди. Айниқса, жарима майдончасида буни қўллаш муваффақиятсизликка олиб келиши мумкин. Сиз бу орқали пенальти ишлаб олишингиз ҳам мумкин. Бироқ, биз бунинг устида жуда катта иш олиб боришга улгурдик. Шу боис, у сўнгги кунларда янада яхшиланиб, кўпроқ ўзини кўрсатишга муваффақ бўлмоқда.

Давид Алабанинг ҳолати қандай, қачон тўлиқ сафга қайтади?

Унинг тиззаси ҳозирги кунда мукаммал ҳолатда десам адашмаган бўламан. Алабанинг шахсан ўзи бутунлай яхшилигини ҳам таъкидлаш жоиз. Шу боис, биз энди унинг ўйин вақтини ҳисоблашимиз зарур. Ахир, у 14 ойни ўтказиб юборган футболчи ҳисобланади.

Лука Модрич билан шартнома узайтирилдими?

Бу клуб билан муҳокама қиладиган мавзулар сирасига киради. Албатта, афсоналар ҳар доим ўзлари хоҳлаган нарсани қилишлари керак.

Килиан Мбаппе сўнгги машғулотда иштирок этмади, унинг ҳолати қандай?

Мбаппенинг тиши олиб ташланди, шунинг учун у бугун машғулот ўтказмади. У биз билан Сан-Себастьянга боради ва катта эҳтимол ўйинда ҳам иштирок этади.

Нега Федерико Вальверде спорт залда якка шуғулланмоқда?

Уругвайлик хавбекда ҳаммаси яхши. Эртага у биз билан бўлади, фақатгина майдонга тушиш ёки тушмаслигини ҳал қилишим керак. Унда ҳеч қандай жароҳат йўқ. Мен унга дам беришим кераклигини англаб етдим.

Эндрикнинг келажагига ойдинлик кирита оласизми?

Бразилиялик ёш иқтидор эгаси келажакда ажойиб ҳужумчи бўлади. Менда бу бўйича ҳеч қандай шубҳа йўқ. У Родриго ва Винисиус Жуниор билан солиштирганда турли кўникмаларга эга, аммо у 9-рақамлилар ичида энг ажойиби бўлди" – дея таъриф бериб ўтди, “қаймоқранглилар” бош мураббийи.