Анчелотти: "Неймар Жаҳон чемпионати қайдномасидан чиқарилмайди"

Бразилия терма жамоаси бош мураббийи Карло Анчелотти матбуот анжуманида ҳужумчи Неймар Жаҳон чемпионати қайдномасидан чиқарилмаслигини тасдиқлади.

Аввалроқ футболчининг жароҳати туфайли яқин орадаги ўртоқлик учрашувларини ўтказиб юбориши ва тахминан икки-уч ҳафта майдондан ташқарида қолиши ҳақида хабарлар тарқалган эди.

"Неймар Марокашга қарши Жаҳон чемпионатининг биринчи ўйинида майдонга тушишига умид қиляпмиз. Агар бунинг иложи бўлмаса, уни иккинчи учрашувда кутамиз. Ҳеч кимни алмаштирмаймиз — қайдномага киритилган 26 нафар футболчи айнан мундиалда иштирок этади", — деди Анчелотти.