Анчелотти Неймарнинг ғашга тегадиган жиҳатини айтди

Бразилия терма жамоаси бош мураббийи Карло Анчелотти Неймарга нисбатан нимадан норози бўлганини очиқ айтди. Мураббий ва ҳужумчи илк бор миллий жамоада  2026 йилги жаҳон чемпионатида бирга ишлади. Бразилия ўша мусобақада 1/8 финалгача етиб борди ва шу босқичда Норвегияга мағлуб бўлди.

Анчелоттининг фикрича, Неймар жаҳон чемпионати олдидан машғулотларга янада жиддийроқ ёндашиши мумкин эди. Унинг айтишича, айнан шу омил футболчининг турнирга энг яхши спорт формасида кириб келишига тўсқинлик қилган. Мураббийни ғазаблантирган ягона жиҳат ҳам шу бўлган.

- Неймарда мени безовта қилган ягона нарса шуки, у мусобақа бошлангунча янада яхшироқ машқ қилиши мумкин эди. Шунда у биринчи ўйинга анча яхши ҳолатда тайёр бўларди, тўртинчи учрашувга эмас. Мени хафа қилган ягона жиҳат шу, — дея Анчелоттининг сўзларини келтиради Globo.