Анчелотти пенальти белгилаган ҳакамларни “юмшоққина” танқид қилиб ўтди

“Реал” вакилларининг ҳакамлар ишини танқид қилиши кейинги пайтда жуда кўп муҳокама қилинмоқда ва эътирозларга сабаб бўляпти.

Испания чемпионатининг 23-турида “Реал” ўз майдонида “Атлетико”ни қабул қилди. Рақиб ҳисобни пенальтидан очди.

Мезбонлар устози Карло Анчелотти учрашувдан кейин пенальти белгиланган вазиятга изоҳ бериб, ҳакамлар ишини яна танқид қилди.

- VAR пенальти белгилади, бош ҳакам вазиятга яқин эди ва нималар бўлганини кўрди. Мен “Атлетик” ва “Жирона” учрашувида ҳам худди шундай вазиятда пенальти берилганини кўрдим.

Футболни тушунадиган одамлар бу икки пенальти нега берилганини тушунаётгани йўқ лекин, - деди Карло Анчелотти.

Дуранг билан якунланган “Реал” ва “Атлетико” учрашувининг 35-дақиқасида Хулиан Альварес 11 метрлик нуқтадан ҳисобни очганди. Бу пенальти франциялик Оренльен Тчуаменининг бразилиялик ҳужумкор футболчи Самуэль Линога қарши ишлатган фоли туфайли белгиланди.