Анчелотти "Реал" мухлисларига хушхабар айтди

Мадриднинг “Реал” клуби бош мураббийи Карло Анчелотти дарвозабон Тибо Куртуа Ла Лиганинг навбатдаги тури доирасидаги “Барселона”га қарши ўйнай оладими ёки йўқлигини ҳақида гапирди.

"Куртуа ўзини анча яхши ҳис қилмоқда ва якшанба куни "Барселона"га қарши ўйинга тайёргарлик кўриш учун пайшанба куни умумий гуруҳ билан машғулотларни бошлайди", - деди Анчелотти матбуот анжуманида.

Октябр ойи бошида 30 ёшли бельгиялик футболчига сиятик ташхиси қўйилган эди.

Эслатиб ўтамиз, "эл-класико" 16 октябрь куни бўлиб ўтади.