Anchelotti “Real”ning besh o‘yinchisidan zo‘r murabbiy chiqishini aytdi

“Real”ga tarixdagi 36-chempionlikni taqdim etgan bosh murabbiy Karlo Anchelotti shogirdlari orasida kelajakda murabbiy sifatida muvaffaqiyatga erishishi mumkin bo‘lgan besh nafa futbolchi borligini aytdi.

- Men ayrim futbolchilarimiz kelajakda zo‘r murabbiy bo‘lishiga ishonaman. Bular Luka, Nacho Fernandes, Dani Sebalos, Toni Kroos va Daniel Karvaxal, - dedi italiyalik mutaxassis.

Karlo Anchelottining o‘zi kuchli beshlik chempionatlari – Italiya, Ispaniya, Frantsiya, Angliya, Germaniyada jami o‘ndan ziyod jamoalarni muvaffaqiyatli boshqargan.

64 yoshli mutaxassis o‘zi ishlagan mamlakatlarda jamoasi bilan chempionlikka erishgan.