Анчелотти шармандали мағлубият айбдорлари кимлигини айтди

Европа Чемпионлар лигасининг амалдаги ғолиби “Реал” мусобақанинг янги мавсумида ўз мухлислари кўз ўнгида “Милан”дан 1:3 ҳисобида мағлубиятга учради.

Ўйиндан кейин мадридликлар бош мураббийи Карло Анчелотти мағлубият учун ҳамма бирдек айбни ўзига олиши кераклигини уқтирди.

- Менинг ишим шубҳа остидами? Йўқ, ҳаммаси одатдагидек. Жамоамиз ҳали оптимал спорт формасига эришгани йўқ.

Мағлубият учун ҳаммамиз айбдормиз. Бу натижа учун ҳаммамиз бирдек жавобгарликни бўйнимизга олишимиз жуда муҳим. Чунки ғалаба  қозонган пайтларимиз уни биргаликда нишонлаймиз.

Ҳозир машаққат чекиш ва курашиш пайти келди. Бунақа вазиятларда жуда кўп куч сарфлашга тўғри келади, - деди Карло Анчелотти.