“Андижон АФА "SGS" ShirinGaz” Қозоғистонда халқаро турнир чемпиони бўлди
Аввал хабар берганимиздек Андижон футбол академиясининг 2005 ва 2006 йилларда туғилган футболчилардан иборат “Андижон АФА "SGS" ShirinGaz” жамолари Қозоғистоннинг Олмота шаҳрида ташкил этилган халқаро мусобақада иштирок этишмоқда. Ушбу турнирда Россия, Қирғизистон, Туркманистон, Тожикистон ва мезбон Қозоғистондан жамоалар бор.
Бугун Шохруҳ Ишанов мураббийлигидаги 2005 йилда туғилган футболчилардан иборат “Андижон АФА "SGS" ShirinGaz” жамоаси мусобақанинг ҳал қилувчи финал баҳсида Сирдарё вилояти футбол академияси тарбияланувчиларига қарши майдонга тушишди. Голларга бой ва муросасиз кечган ўйиннинг асосий бўлимлари 2:2 ҳисобида жанговор дуранг қайд этилгач, ғолиб номи пенальтилар сериясига кўра аниқланди. Унда 3:0 ҳисобида “Андижон АФА "SGS" ShirinGaz” жамоаси ғолиб бўлди. Шу тариқа андижонлик ёшлар халқаро турнирнинг бош совринини қўлга киритишди.
29 март, Олмота. 2005 йиллар. ФИНАЛ
Сирдарё ФА (Ўзбекистон) - "Андижон АФА "SGS" ShirinGaz" (Ўзбекистон) 2:2 (пен.бўйича 0:3)
SPORTS.uz таҳририяти халқаро мусобақа чемпиони бўлган ёш футболчиларимизни табриклайди.
Фикрлар