“Андижон АФА "SGS" ShirinGaz” Россия ва Қозоғистон жамоаларини енгди

Аввал хабар берганимиздек Андижон футбол академиясининг 2005 ва 2006 йилларда туғилган футболчилардан иборат “Андижон АФА "SGS" ShirinGaz” жамолари Қозоғистоннинг Олмота шаҳрида ташкил этилган халқаро мусобақада иштирок этишмоқда. Ушбу турнирда Россия, Қирғизистон, Туркманистон, Тожикистон ва мезбон Қозоғистондан жамоалар бор.

Бугун мусобақанинг иккинчи кунида Шохруҳ Ишанов мураббийлигидаги 2005 йилда туғилган футболчилардан иборат “Андижон АФА "SGS" ShirinGaz” жамоаси турнирнинг мезбон Қозоғистоннинг “Қайрат” клуби академияси тарбияланувчиларини 2:0 ҳисобида енгди. Рақиб дарвозасига киритилган голларга Зайнидин Хамробоев ҳамда Акбархўжа Нўмонхўжаевлар муаллифлик қилишди.

25 март, Олмота. 2005 йиллар.

"Қайрат" (Қозоғистон) - "Андижон АФА "SGS" ShirinGaz" (Ўзбекистон) 0:2

Голлар: Зайнидин Хамробоев, Акбархўжа Нўмонхўжаев

Мураббий Лочин Гулдоев бошчилигидаги 2006 йилда туғилган футболчилардан иборат “Андижон АФА "SGS" ShirinGaz” жамоаси мусобақанинг иккинчи турида ҳам ғалаба қозонишди. Улар бу сафар Россиянинг “Молния” жамоасини 4:0 ҳисобида енгишди. Учрашувдаги голлар Бекмурод Абдураимжонов, Абдуллох Абдунабиев, Бекзод Сулаймонов ҳамда Абдуғани Ғуломовлар томонидан киритилди.

25 март, Олмота. 2006 йиллар.

"Молния" (Россия) - "Андижон АФА  "SGS" ShirinGaz (Ўзбекистон) 0:4

Голлар: Бекмурод Абдураимжонов, Абдуллох Абдунабиев, Бекзод Сулаймонов, Абдуғани Ғуломов.

Мусобақа 31 мартга қадар давом этади.