"Андижон" футболчилари ёзги йиғин олдидан тиббий кўрикдан ўтдилар

Маълумки, “Андижон” жамоаси биринчи давра ўйинларини якунлаб қисқа муддатли танаффусга чиққанди. Эртадан эса ёзги ўқув-машғулот йиғинини ўтказиш учун Тожикистоннинг Хўжанд шаҳрига жўнаб кетилади.

Бугун клуб аъзолари мазкур ёзги йиғин олдидан тиббий кўрикдан ўтдилар. Хўжанд йиғинига йўл оладиган футболчилар қаторида шунингдек, U-21 таркибимиздан ҳам бир қатор ўйинчилар жалб қилинганлигини қўшимча қилишимиз жоиз.

Шундай қилиб, тиббий кўрикдан муваффақиятли ўтган “Андижон” жамоаси аъзолари эртага Тожикистонга юқори кайфиятда йўл олади.

“Андижон” матбуот хизмати.