"Андижон" клуби футбол мактаби билан ҳамкорликни кучайтирмоқчи

Бугун Андижон шаҳар Шўрбулоқ даҳасида жойлашган “Андижон футбол маҳорат мактаби” мажлислар залида Андижон футбол ассоциацияси вице-президенти Бекзод Каримов, “Андижон футбол маҳорат мактаби” директори Насибилло Мадраҳимов ҳамда “Андижон” клуби бош мураббийи Отабек Ғуломхўжаев, шунингдек, жамоа раҳбарияти иштирокида йиғилиш бўлиб ўтди.

Ушбу йиғилишдан кўзланган мақсад “Андижон” клуби ҳамда футбол маҳорат мактаби ўртасидаги ҳамкорликни янада ривожлантириш, клуб томонидан мунтазам равишда ёш футболчиларни кузатиб бориш бўйича режалар тузилди.

Шунингдек, бу йилги “Профессионал футбол мактаблари лигаси” Ўзбекистон чемпионатида энг юқори ўринни қўлга киритган “Андижон футбол маҳорат мактаби” тарбияланувчиларини вилоят футбол ассоциацияси вице-президенти ҳамда “Андижон” клуби бош мураббийи самимий муборакбод этиб, келгусида бундан ҳам юқори ўринларни қўлга киритишларини тиладилар - дейилади, клуб матбуот хизмати тарқатган хабарда.