"Андижон" клуби муаммоли вазият хусусида баёнот берди

"Андижон" клуби расмий "Телеграм" саҳифаси клуб таъсисчиси Журъатбек Қувватовнинг "Футбол Тайм ТВ" дастурида билдирган ирқчилик мазмунидаги фикрларига муносабат билдирди:

"Ушбу интервью чоғида легионер футболчилар ҳақида сўз борганда, ирқчилик сўзлари ишлатилганлиги учун клуб вице-президенти Дониёрбек Муллажонов жамоа номидан узр сўрайди. Журъатбек Қувватов ушбу сўз орқали ҳеч кимни камситмоқчи ёки ҳақоратламоқчи эмас эди.

«Барчамиз, аввало, инсонмиз, биз ҳеч кимни камситмоқчи эмасмиз ва айтилган гаплар кимларнингдир кўнглига озор етказган бўлса, бундан афсусдамиз ва узр сўраймиз», -  дея такидлади Дониёрбек Муллажонов.

Биз ҳамдўстлик қоидаларига риоя қиламиз ва барча миллат ва ирқ вакилларини ҳурмат қиламиз", - дейилади матбуот хизмати баёнотида.