"Андижон" клуби мухлислари учун хушхабар
"Андижон" клуби расмий "Телеграм" саҳифаси клуб собиқ футболчиси Иброҳим Отахоновнинг фаолиятини қайта тиклаганини маълум қилди:
"Фаолиятини «Андижон» жамоасига бағишлаган Иброҳим Отахонов яна жамоамиз билан бирга машғулотларда иштирок этмоқда.
Футболчилик фаолиятини 2019 йилда якунлаган Иброҳим Отахонов яна футболга қайтишга қарор қилди. У 2021 йилги мавсумда ҳам жамоамиз шарафини ҳимоя қилади.
Умид қиламизки, Отахоновнинг тажрибаси ёш футболчиларимизга куч ва ғайрат бўлиб хизмат қилади", - дея хабар беради расмий саҳифа.
Фикрлар