"Андижон" "Металлург"нинг собиқ устози бошқараётган клубга қарши майдонга тушади

“Андижон” жамоасининг Анталия йиғини доирасидаги яна бир ўртоқлик учрашуви бугун Черногориянинг “Морнар Бар” клубига қарши бўлиб ўтади.

“Андижон”нинг мазкур спарринг-рақиби Черногория биринчи лигаси (бизнинг Суперлигамиз каби)да қатнашади. “Морнар Бар” 19 та турдан кейин 9 ғалаба, 5 дуранг ва 5 мағлубият қайд этиб, тўплар нисбати 26\22 ни ташкил қилган ҳолда 32 очко билан 10 та жамоа орасида 2-ўринни эгаллаб турибди.

“Морнар Бар” клубини ўзбекистонлик мухлисларга таниш бўлган Веско Стешевич бошқармоқда. У 2023\2024 йилги мавсумларда Бекободнинг “Металлург” клубига устозлик қилган. 2025 йилнинг 5 сентябридан “Морнар Бар” жамоаси бош мураббийига айланган. Унгача эса Эронннинг “Истиқлол” клубида Миодраг Божовичга ассистентлик қилиб келган.

“Андижон”нинг “Морнар Бар” клубига қарши учрашуви бугун Тошкент вақти билан соат 17:00 да бошланади. 

Бунгача "Морнар Бар" клуби Анталияда "Сурхон" билан назорат баҳсида майдонга тушди в 0:1 ҳисобида мағлубиятга учради.