"Andijon" murabbiyi: Balki biz murabbiylarning ham aybimiz bordir...

“Andijon” – “Surxon” jamoalari o‘rtasidagi o‘yindan keyin tashkil etilgan matbuot anjumanining ikkinchi qismida mezbonlar murabbiyi Diyor Mirzaboev ishtirok etdi.

- O‘yin haqida gapiradigan bo‘lsam, birinchi bo‘lim to‘liq “Surxon”ning ustunligida o‘tdi. Ikkinchi bo‘limda himoyachimiz qizil kartochka oldi. Umuman olganda, biz murabbiylarning ham aybimiz bor. Futbolchilarda o‘yinga bo‘lgan ishtiyoq ko‘rinmadi. Adolatli g‘alaba bilan “Surxon”ni tabriklayman.

- “Andijon” o‘z uyida nimaga beshta himoyachi bilan o‘ynadi?

- Bu bosh murabbiyga beriladigan savol. Bu uning falsafasi va futbolchilarimizning imkoniyatidan kelib chiqib shunday yo‘l tutilyapti. Qarshi hujumlarning oldini olib shunday harakat qilinyapti.

- Kumikov masalasi qachon hal bo‘ladi?

- Bu rahbariyatga beriladigan savol.

- “Andijon” ketma-ket 9 ta o‘yindan beri g‘alaba qozona olmayotgani jamoaning ruhiyatiga salbiy ta’sir ko‘rsatyaptimi?

- G‘alaba qozona olmayotgan bo‘lsak ham oxirgi uchta o‘yinda durang o‘ynadik. Yigitlarda kayfiyat yaxshi edi, muhit ham joyida edi. O‘yingacha ham barchada yaxshi kayfiyat hukmronlik qilayotgandi.