"Андижон" ўтиш ўйинида қайси жамоа билан ўйнаши ва учрашув санаси маълум бўлди

Про лигада 2-ўринни эгаллаган “Нефтчи” ҳамда Coca Cola Суперлиганинг 13-жамоаси бўлган “Андижон” иштирокидаги учрашув 15 декабрь куни “Истиқлол” стадионида бўлиб ўтади. Бу ҳақда ЎзПФЛ расмий сайти хабар бермоқда.

Ташкилот Тартиб-интизом қўмитасининг “Нефтчи” футбол клуби бўйича қарорини кутди. Қўмита клубнинг ўтиш ўйинида иштирок этиши учун шароит яратди. Фақатгина "Истиқлол” аренасидаги кейинги уч расмий учрашув мухлисларсиз ўтиши маълум қилинди. Ўтиш ўйини 14:00 да старт олади ва у жонли эфирда намойиш этилади.

Илгарироқ, “Нефтчи” футболчиси 10 йилга футболдан четлатилгани, клуб эса 100 млн сўм жарима тўлаши ҳақида хабар берган эдик.