"Андижон" "Пахтакор" ва ОКМКда тўп сурган футболчилар билан шартнома тузди

Андижонлик ишқибозлар меҳрини қозонган ва ўз вақтида “Андижон” клубида тўп сурган ажойиб ярим ҳимоячи Дониёр Абдуманнопов яна ўз жамоасига қайтди.

24 ёшли ўйинчи “Андижон” футбол мактаби тарбияланувчиси ҳисобланади. 2019, 2020 ва 2021 йилги мавсумда “Бургутлар” учун тўп сурган. 2021 йилнинг ёзида Беларуснинг “Энергетик-БГУ” жамоасига йўл олди. Шундан кейин Дониёр “Сўғдиёна”, “Бунёдкор”, “Навбаҳор” ва “Пахтакор”да фаолият олиб борди.

Абдуманнопов 2024 йилги мавсумда “Пахтакор” таркибида Суперлига, Ўзбекистон Кубоги ва Осиё Чемпионлар лигасида ҳаммаси бўлиб, 24 та ўйинда майдонга тушди. Учрашувларда у 4 та гол урди ва 4 та ассист вазифасини бажарди.

Энди Дониёр 2025 йилги мавсумни яна “Андижон” лисобида ўтказади. 

Ьундан ташқари, қишки селекцияда яна бир келишувни амалга оширишга муваффақ бўлди.

“Андижон”нинг янги трансфери – дарвозабон Валижон Раҳимов!

Маълумот учун, Валижон Раҳимов 1995 йилнинг 16 февраль санасида Урганч шаҳрида таваллуд топган. 2020 йилдан бери у ОКМК жамоаси шарафини ҳимоя қилиб келган.

Катта футболга “Хоразм” жамоасида қадам қўйган. Кейинчалик “Пахтакор” U18, “Локомотив” БФКда фаолият олиб борган ва шундан сўнг Туркия чемпионатиа йўл олган. У ерда Раҳимов “Султанорханспор”, “1920 Мара Спор” ҳамда “Сайирова Спор” клубларида ўйнаган.

Бу йилги мавсумда Валижон ОКМК таркибида 9 та учрашувда майдонга тушди.

"Андижон" матбуот хизмати.