"Андижон-SGS" Қирғизистондаги турнирга таклиф этилди

Жорий йилнинг 2-5 июнь кунлари Қирзиғистон Республикасида дўстлик ва қўшничилик алоқаларини янада мустаҳкамлаш, икки мамлакат ёшлари ўртасида футбол тарғиботини амалга оширишга қаратилган футбол мусобақаси бўлиб ўтади.

Мазкур «Ўш шаҳар Ҳокими Кубоги» турнирига «Андижон-SGS» жамоаси ҳам таклиф этилган.

Шу муносабат билан айни дамда «Андижон-SGS» эътиборини Қирғизистонда бўлиб ўтадиган ушбу халқаро мусобақада муносиб иштирок этишга қаратган.

Жамоамиз режага кўра, 1 июнь куни Ўш шаҳрига жўнаб кетади. Мусобақа ташкилотчиларининг бизга маълум қилишича, «Ўш шаҳар ҳокими КУубоги» турнирида жамоамизга Тошкентнинг «Бунёдкор», Қўчқор-Ота шаҳрининг «Нефтчи» ва Ўшнинг «Алай» клублари рақиблик қилади, - дея хабар бермоқда клуб матбуот хизмати.