Андижонда оғир атлетика бўйича вилоят очиқ биринчилиги бўлиб ўтди

19 август куни Андижон вилояти Хўжаобод тумани маданият ва истироҳат боғида Мустақиллигимизнинг 26 йиллиги муносабати билан оғир атлетика бўйича вилоят очиқ биринчилиги ўтказилди. Мусобақада Хўжаобод, Қўрғонтепа, Жалақудуқ, Асака, Балиқчи туманлари ҳамда Андижон, Хонобод шаҳарларида фаолият юритаётган БЎСМ тарбияланувчилари ва Андижон олимпия заҳиралари спорт коллежидан жами 120 нафар ўқувчи 13 вазн тоифасида қатнашди. 
Мусобақа қизғин ва  бахсларга бой ўтди. Якуний натижаларга кўра 1-ўринни Хўжаобод тумани, 2-ўринни Асака тумани, 3-ўринни Хонобод шаҳри спортчилари эгаладилар. Ғолиб жамоалар ва турли номинацияларда фаол иштирок этган ўқувчилар мусобақа ташкилотчилари томонидан фахрий ёрлиқлар ва эсдалик совғалари билан тақдирландилар.
 

Фикрлар

Фикр қолдириш учун авторизациядан ўтинг!