"Андижон"га уч нафар камерунлик футболчилар қўшилади
Янги мавсумга жиддий тайёргарлик кўраётган “Андижон” жамоаси таркибни кучайтиришда давом этмоқда.
Клуб матбуот хизматининг тарқатган хабарига қараганда, Тошкентда йиғинни давом эттираётган жамоа сафига учинчи тайёргарлик босқичи доирасида, яъни, 2 февраль куни яна уч нафар легионер келиб қўшилади.
Ушбу футболчиларнинг барчаси Камерун давлати фуқаролари ҳисобланади.
Лекин шуни ҳам қўшимча қилиш керакки, мазкур легионерлар аввало кўрикда қатнашиш учун таклиф қилинган.
Эслатиб ўтамиз, куни кеча "Андижон" сафига Қирғизистон терма жамоаси аъзоси Эдгар Бернхардт келиб қўшилган эди.
Фикрлар