"Андижон"ни тарк этган легионер янги жамоага ўтди

Ўтган мавсумни “Андижон” клубида ўтказган болгариялик ҳимоячи Пламен Димов шартномаси тугагани сабабли “Бургутлар” сафини тарк этганидан хабарингиз бор.

Ниҳоят, у ўзига янги жамоа топди. 32 ёшли футболчининг маълум қилишича, фаолиятини Литва чемпионатида давом эттирадиган бўлди.

Маҳаллий “Литерия Вилниус” клуби Димовга таклиф билан чиқди ва музокаралар ижобий якун топгач, томонлар расмий шартнома имзолашди. Клуб ҳам Пламенни расман таништирди.

Димов ўтган мавсумда “Андижон” таркибида Суперлига доирасида 23 та учрашувда майдонга тушди ва 9 бор сариқ карточка билан сийланди. Ўзбекистон Кубогида эса 2 та ўйинда жамоа шарафини ҳимоя қилган.