"Андижон"нинг собиқ легионери "Қайсар"ни мағлубиятдан қутқариб қолди

Қозоғистон премьер-лигасининг 3-турида “Қайсар” клуби ўз майдонида “Аксу” жамоасини қабул қилди. Жанговар руҳда ўтган учрашувда 2:2 ҳисоби қайд этилди.

Аввалига  Приндетанинг 5-дақиқада урган голи эвазига мезбонлар ҳисобни очишганди. 10 ҳамда 20-дақиқаларда меҳмонлар икки марта гол уриб, вазиятни ўзгартиришди. Бўлим якунида черногориялик ярим ҳимоячи Горон Милойко ҳисобни тенглаштирди – 2:2. Кўриб турганингиздек, учрашув тақдири биринчи бўлимдаёқ ҳал қилинди.

Маълумки, Милойко ўтган йили про лигада “Андижон” сафида тўп суриб жамоанинг Суперлигага қайтишида катта ҳиссасини қўшган. У Қозоғистон чемпионатида дебют голини урди.

Таъкидлаш жоизки, “Қайсар”ни мухлисларимизга яхши таниш Виктор Кумиков бошқаряпти. Милойко ўтган йили айнан ушуб мутахассис билан “Андижон”да ишлаган. Бироқ ҳозирча Кумиковнинг “Қайсар”даги ишлари кўнгилдагидек эмас. Дастлабки иккита ўйинда мағлубиятга учради ва 3-турга келиб дастлабки очкосини ишлади. Ҳозирча “Қайсар”нинг ҳисобида ғалаба йўқ.