Андрей Лунин "Реал"дан кетмоқчи. Чунки...

"Реал" Мадрид клуби дарвозабони Андрей Лунин жамоадан кетиш пайига тушган. Бу ҳақда Fichajes.net хабар бермоқда.

Манбага кўра, 22 ёшли украиналик голкипер “қироллик клуби”даги ҳолатидан норози бўлмоқда ва шу сабабли унга мунтазам ўйин амалиётини кафолатлайдиган жамоага ўтмоқчи. Унга эса Европа клубларидан бир қатор таклифлар бор.

Андрей Лунин жорий мавсум "Реал" сафида бирорта ҳам ўйинда майдонга тушгани йўқ. Унинг клуб билан амалдаги шартномаси 2024 йилнинг ёзига қадар имзоланган.