Андрей Шипилов: Кейинги босқичдаги рақибимиз АГМК бўлишини айтгандим, адашмаган эканман

“Металлург” клуби Ўзбекистон кубогининг 1/8 финалини Олмалиқда “Бухоро”га қарши ўтказиб 2:0 ҳисобида ғалаба қозонган ҳолда чорак финалга чиққанди.

Қуръага кўра, бекободликлар АГМК билан куч синашадиган бўлди. “Металлург” бош мураббийи Андрей Шипилов sports.uz сайтига бу хусусида шундай деди:

- “Бухоро” билан учрашувда иккита тўп фарқи билан ғалаба қозондик, дарвозамиздан гол ўтказиб юбормадик, ҳаммаси зўр. Куни кеча кейинги босқичдаги рақибимиз АГМК бўлишини айтгандим, адашмаган эканман. Бу янгилик эмас, ҳаммаси тушунарли. Биз рақиб танламаймиз, барчаси ўзига яраша жамоалар. Қизиғи, “Бухоро”га қарши ўйинни АГМКнинг майдонида ўтказгандик. Яна ўша стадионга қайтамиз, - дейди Шипилов.