Angliya klubi "Real" himoyachisini o‘z safida ko‘rishni xohlamoqda

Madridning "Real" klubi markaziy himoyachisi Antonio Ryudiger yaqin vaqt ichida jamoasini o‘zgartirishi mumkin. Bu haqda Marca nashri xabar bermoqda.

Manbaga ko‘ra, futbolchiga Angliyadan taklif tushgan.  Unga sobiq jamoasi "Chelsi" qiziqish bildirgan. Shuningdek, nemis himoyachisiga Saudiya Arabistoni klublaridan ham takliflar bo‘lgan.

Ma’lumot uchun, 32 yoshli Ryudiger 2022 yil yozidan buyon "qirollik" klubi sharafini himoya qilib kelmoqda. Uning "Real" bilan amaldagi shartnomasi 2026 yil iyun oyi oxirigacha mo‘ljallangan. "Transfermarkt" portalida futbolchining transfer qiymati 15 million evro etib baholangan.