Англия премьер-лигасида биринчи истеъфо яқин!

“Арсенал” клуби раҳбарияти бош мураббийи Микель Артетани истеъфога чиқармоқчи. “Канонирлар” биринчи турда сафар учрашувида премьер-лига дебютанти “Брентфорд”дан 0:2 ҳисобида мағлубиятга учрагани клуб хўжайинларини ғазаблантирди.

Лондон клуби раҳбарияти Микель Артета ўрнига “Интер”ни чемпион қилган Антонио Контени таклиф қилмоқчи. Режага кўра, италиялик мутахассис Лондонга “Интер”даги шогирди Лаутаро Мартинесни ҳам олиб келишга кўмаклашиши кутилмоқда.

“Арсенал” раҳбарлари “Интер”ни узоқ йиллик танаффусдан сўнг, Италия чемпионига айлантирган Конте “тўпчилар”ни Европа Чемпионлар лигасига қайтаришига ишонмоқда.

“Арсенал” 2016 йилдан бери “кўҳна қитъа”нинг энг нуфузли мусобақасига чиқа олмаяпти.