Англия Премьер лигасида ким ғалаба қозонади? Суперкомпьютер ўз тахминларини билдирди

Суперкомпьютер Англия Премьер лигасининг янги мавсумида жамоаларнинг ғалаба қозониш эҳтимолини баҳолади. “FiveThirtyEight” маълумотларига кўра, "Манчестер Сити" чемпионлик учун асосий фаворит ҳисобланади. Испаниялик мураббий Хосеп Гвардиола шогирдларининг ғалаба қозониш эҳтимоли 57 фоизга баҳоланмоқда.

АПЛнинг амалдаги чемпионларининг асосий рақиби ўтган мавсумни иккинчи ўринда якунлаган “Ливерпуль” ҳисобланади. Юрген Клопп жамоасининг олтин медаллар учун имконияти — 22%.

Топ-3ликни Лондоннинг “Челси” клуби якунлаган. “Аристократлар”нинг чемпионликни қўлга киритиш имконияти 9 фоиз деб кўрсатилган. Кейинги ўринлардан "Тоттенхэм" (5%) ва "Арсенал" (4%) жой олган.

"Манчестер Юнайтед"нинг олтин медаллар учун имконияти 1 фоиздан кам баҳоланган ва тахминларга кўра, клуб саккизинчи ўринни эгаллайди.