Англияда “Бавария” футболчисини кутишмоқда

Европа Чемпионлар лигаси ғолиби “Бавария” яқинда Тьяго Алькантарани “Ливерпуль”га трансфер қилган эди.

Англия премьер-лигасининг яна бир иштирокчиси “Лидс” ҳам Мюнхендан футболчи таклиф қилди.  Премьер-лига дебютанти ярим ҳимоячи Микаэль Кюизансга жиддий қизиқиш билдирмоқда. Футболчининг ўзи ҳам доимий ўйин амалиётига эга бўлиш учун Англияга кўчиб ўтишга қарши эмас.

“Лидс” 21 ёшли франциялик ўйинчини кейинчалик сотиб олиш ҳуқуқи билан мавсум охиригача ижарага олмоқчи. Бу футболчига “Марсель” ва “Бордо”дан ҳам таклиф бор.