Англияда нималарга қодирлигимни кўрсатмоқчиман

Англия Премьер-лигасининг янги иштирокчиси “Ковентри” Туркиянинг “Фенербаҳче” клуби ҳужумчиси Сидики Шерифни 20,5 миллион фунт эвазига сотиб олганини маълум қилди.

Шериф “Фенербаҳче”да атиги ярим мавсум ўтказди. Туркия клуби уни Франция чемпионати вакили “Анже”дан мажбурий сотиб олиш шарти билан ижарага олган эди.

Келиб чиқиши гвинеялик бўлган 19 ёшли франциялик футболчи ўтган мавсумда “Анже” ва “Фенербаҳче” сафидаги ўйинлари билан бир қатор Европа клубларида катта таассурот қолдирди. Бироқ “Ковентри” бошқалардан тезроқ ҳаракат қилиб, футболчини ўз сафига қўшиб олди.

- Мен “Ковентри” футболчисига айланганимдан жуда хурсандман ва Премьер-лигада ўйнаш имкониятидан мамнунман. Мухлисларга нималарга қодир эканимни кўрсатиш ва ушбу ажойиб стадионда ўйнашни интиқлик билан кутяпман, - деди Сидики Шериф.