Англиядаги энг қиммат ўйинчи ким?

Transfermarkt портали Англия Премьер-лигасининг энг қимматбаҳо футболчилари рейтингини эълон қилди.

Унга кўра, лиганинг энг қиммат ўйинчиси Эрлинг Холанд бўлиб турибди. Норвегиялик тўпурар 180 миллион еврога баҳоланган.

Иккинчи ўринда қайд этилган  “Арсенал” ҳужумчиси Букайо Саканинг трансфер суммаси 120 миллион еврога кўтарилди.

Кучли учликни “Манчестер Сити” футболчиси Фил Фоден 110 миллион евролик нарх билан якунлаб берди.

Нархи 100 миллион еврони ташкил қилаётган “Арсенал" ўйинчиси Деклай Райс ва “Манчестер Сити” вакили Родри Эрнандес кучли бешликдан жой олган.