Angliyaliklar “Real”ga 190 million evrolik ikki o‘yinchini bermoqchi

“Chelsi” yozgi transferlar vaqtida tarkibini tartibga solishiga to‘g‘ri keladi. Londonliklar o‘tgan yillar davomida qimmatbaho o‘yinchilarni yig‘ib olgan. Biroq bu transferlar jamoaga deyarli foyda keltirgani yo‘q.

Ayni paytda “aristokratlar” moliyaviy feyr-pley masalasida UEFAning jazolaridan qutilib qolishga harakat qilmoqda. Londonliklar kelasi mavsumgacha 300 million evroga o‘yinchilarni sotib yuborishi shart.

Football365 saytining xabar berishicha, “Chelsi” katta umidlar bilan umumiy hisobda 190 million evroga  olingan Entso Fernandes va Mark Kukurelyadan voz kechishga tayyor.

Ular o‘z o‘yinchilarini chap qanot himoyachisi va markaziy yarim himoyachi qidirayotgan “Real”ga pullash yo‘llarini qidirmoqda.