Англиянинг уч клуби Испания терма жамоасининг янги ҳужумчиси учун кураш бошлади

Каталониянинг «Эспаньол» жамоаси ҳужумчиси Роберто Фернандес яқинда Испания терма жамоасига илк бор жалб этилганидаг кейин трансфер бозоридаги ишлари юришиб кетди. 

Айни пайтда бу футболчи Англия Премьер-лигасининг бир қатор етакчи клублари диққат марказида турибди.

Журналист Экрем Конур тарқатган маълумотларга кўра, форвард ўйинларини Лондоннинг «Челси» ва «Тоттенхэм» клублари, шунингдек «Брайтон» скаутлари кузатиб бормоқда. Англия премьер-лигаси жамоалари мутахассисларининг фикрича, Фернандес жисмоний жиҳатдан инглиз футболи талабларига мос келади.

Фернандес «Эспаньол» сафида 2025 йил ёзидан бери тўп сурмоқда. У билан клуб ўртасидаги шартнома 2031 йил июн ойи охиригача амал қилади. 24 ёшли испаниялик ҳужумчининг трансфер баҳоси ҳозирча тахминан 20 миллион евро атрофида баҳоланмоқда.