Анкалаев чемпионни нокаутга учратишга ваъда берди

UFC нинг ярим оғир вазн тоифаси рейтингида 2 ўринни эгаллаб турган Магомед Анкалаев(18-1-1-1 N/C) чемпион Алекс Перейра(11-2)ни нокаут қилишга ваъда берди.

"Табриклайман, чемпион. Мен жуда таъсирландим. Дана Уайт ҳар доим  ММА - бу имкониятлар спорти эканлигини таъкидлаган. Мен ўз имкониятимни хоҳлайман. Ишонаманки, мен сени нокаут қиламан. Икки йил олдин Перейра мен билан жанг қилишга тайёр эмаслигини айтганди. Бугун мен учун у, у учун мен дивизиондаги энг хавфли рақиблармиз”, –  деб ёзади Анкалаев X да.

Эслатиб ўтамиз, 30 июнь куни "UFC 303" турнирида Перейра Иржи Прохазкани иккинчи раунддаёқ нокаутга учратди.