Анри "Арсенал"ни танқид қилди: "Бу мен билган жамоа эмас"

АПЛнинг 33-тур марказий учрашувида "Арсенал" сафарда "Манчестер Сити"га 1:2 ҳисобида мағлуб бўлди.

Ўйиндан сўнг "канонирлар" афсонаси Тьерри Анри баҳс ҳақида ўз фикрларини билдирди.

"Бу ўйин мени хафа қилди. “Арсенал” футболчилари бундай муҳим баҳсда на энергия, на характер кўрсата олди. Улар “Манчестер Сити”га ташаббусни тўлиқ бериб қўйди ва ўйинни назорат қилиш имконини тақдим этди. Агар чемпион бўлмоқчи бўлсангиз, катта ўйинларда ўзингизни кўрсатишингиз керак. Меҳмонлар буни уддалай олмади ва мағлуб бўлди. Бу мен билган “Арсенал” эмас", — деди франциялик собиқ ҳужумчи.

Ушбу мағлубиятга қарамай, Микель Артета шогирдлари турнир жадвалида пешқадамлигини сақлаб қолди. "Манчестер Сити" эса бир ўйин кам ўтказган ҳолда пешқадамдан уч очко ортда қолмоқда.