Анри: “Барселона”да бу нарса тизимли муаммога айланди”

“Барселона“нинг собиқ ҳужумчиси Тьерри Анри каталонияликлар ҳимоя чизиғига жиддий эътибор бериши керак деб айтиб ўтди. Чемпионлар Лигаси чорак финалда "Барселона" "Атлетико Мадрид"га икки уйин натижасига кура умумий 3:2 ҳисобида ютқазишган эди. 

"Кўк-анорранглилар" элит даражадаги ҳимоячиларга муҳтож. Биз ҳар доим ҳакамлик ҳақида гаплашишимиз мумкин аммо, айбни биринчи навбатда ўзимиздан қидиришимиз керак. Такомиллашиши керак бўлган жуда кўплаб нуқталар мавжуд, клуб биринчи навбатда шу муаммоларни бартараф этиши керак. Амалда ҳеч қандай ўзгариш бўлмаса уларни кейинги 10 йилликда ҳам худди шу ҳолатни гувоҳи бўламиз. Бу шунчаки даҳшатли. 

 Бундай ҳимоя билан халқаро турнирларда ўйнаш қийин. Мен буни икки йилдан бери такрор айтиб келяпман.  “Барса” рақибларидан устунликка эга бўлиб ҳам имкониятни бой беради, бу эса плей-офф босқичига чиқишни жуда қийинлаштирди.

Барқарорликсиз юқори даражани доим сақлаб қололмаймиз. “Барселона” келаси мавсум юқори даражадаги ҳимоячилар билан шартнома имзолаши зарур. Агар жамоангизни бўш жойини ёпиш учун чидамлилик ва чаққонлик етишмаса, сиз ўзингизни яна бир даҳшатли туш сари тайёрлаяпсиз. Бу шунчаки ёмон туш эмас, бу дарҳол ечим берилиши керак бўлган тизимли муаммо”, - деди Анри CBS телеканалига берган интервьюсида.

Абдувалиев Азизбек